Ef við viljum bæta heilsuna þurfum við að skoða alla þætti sem hafa áhrif á hana og meta hvar við erum í ójafnvægi. Það er nefnilega oftast þannig að ef við erum í ójafnvægi á einu ,,sviði” smitar það yfir á annað og okkur líður ekki nóg vel andlega og líkamlega. Það er t.d. þekkt af ef þú ert í sambandi sem gengur á afturfótunum eða óánægð/ur í vinnunni er líklegra að þú huggir þig með óhollum mat.

Með því að vinna í þeim þáttum sem eru raunverulega að hafa neikvæð áhrif á heilsu okkar finnum við smám saman jafnvægi á öllum vígstöðvum. Þó svo að frumnæringin sé mikilvægust þá er að sjálfsögðu líka mikilvægt að velja góða næringu á diskinn.

Hér eru 10 atriði sem geta auðveldað þér að borða betur

1. Borðum til að nærast vel -Hlustum á líkamann. Hvenær líður okkur vel og hvenær illa eftir máltíð? Er mögulega eitthvað sem fer illa í þig? Þá er líkaminn þinn mögulega að segja þér eitthvað.
2. Veljum fjölbreytta fæðu -í öllum regnbogans litum. Gamla góða reglan um 5 ávexti/grænmeti á dag á vel við.
3. M&M- borðum meira grænmeti og minni sykur.
4. Borðum mat - en ekki matarlíki. Var fæðan framleidd í verksmiðju eða kemur hún beint úr náttúrunni?
5. Veljum hreina fæðu sem ofast-grænmeti, ávexti, kjöt, fisk, ber, fræ og hnetur.
6. Skoðum innihaldslýsingu -því færri innihaldsefni því betra. Innihaldsefnum er einnig raðað í röð eftir magni, ef sykur er framarlega í innihaldslýsingunni er mikið af honum.
7. 90/10 reglan- Heilbrigðar venjur snúast um það sem þú borðar 90% af tímanum en ekki þessi 10% sem þú leyfir þér.
8. Forðumst öfga- Það er betra að breyta venjum smám saman og gera varanlegar breytingar til góðs.
9. Engin boð og bönn- Allt er gott hófi.
10. Drekkum vatn- Vatnsskortur getur haft ótal óækilegar aukaverkanir og áhrif á starfsemi líkamans. Hann þarf vatn til að halda sér gangandi.