Venjulega loka ég eyrunum þegar einhver minnist á hreyfingu og heilsu. Ég er bara ein af þeim sem hef ekki tíma fyrir eða áhuga á slíku. Mér finnst þetta ekki skemmtilegt umræðuefni. Það er bara svo margt annað sem er skemmtilegra í lífinu! Ég varð því heldur betur hissa þegar ég stóð sjálfa mig að því að leggja vel við hlustir þegar Erla var með fyrirlestur á vinnustaðnum mínum í vor. Allt sem hún sagði höfðaði fullkomlega til mín. Hún talaði af reynslu, raunsæi og skynsemi og hún lét mig langa til að hugsa svolítið um heilsuna og breyta venjum mínum. Ég mæli heilshugar með því að hlusta á Erlu, meira að segja ef þú ert "anti-sportisti" eins og ég.

Ég fór til Erlu þegar mig vantaði smá aðstoð við að koma mér í betra jafnvægi bæði líkamlega og andlega. Erla er með ótrúlega góða nærveru, einlæg en samt fylgir henni svo góð orka. Hlustar vel á það sem maður hefur að segja og hjálpar manni með að setja sér raunhæf markmið.

Erla var í stuttu máli einstakur og ómetanlegur stuðningur. Í fyrsta lagi smitaði hún frá sér aðdáunarverðum lífskrafti og gleði og ég fann fljótlega mikla þörf að finna þennan kraft líka hjá mér. Hún lagði áherslu á að bæta lífið í hænuskrefum en ekki ætla sér of mikið.

Eftir að ég byrjaði að hitta þig fór ég að gefa mér sjálfri meiri gaum og meira svigrúm. Ég er betur meðvituð um það góða sem ég geri og hrósa mér fyrir það – og þegar mér líður illa, þá sýni ég því skilning. Ég leyfi mér að vera ég – bæði í gleði og sorg.

Þegar ég hafði samband við Erlu, sat ég ofan í einhverjum drulluskurði. Boraði þar tánum í drulluna og var alls ekki viss um að ég nennti upp úr honum því hver var tilgangurinn með því þegar ég enda alltaf ofan í þessum skurði aftur? Ég veit ekki hversu oft ég hef krafsað mig þarna upp, rölt á bakkanum smá stund og hrunið svo aftur ofan í. Ég var bara orðin hundleið á þessu endalausa hrapi og krafsi. Takk fyrir að draga mig upp.

Venjulega loka ég eyrunum þegar einhver minnist á hreyfingu og heilsu. Ég er bara ein af þeim sem hef ekki tíma fyrir eða áhuga á slíku. Mér finnst þetta ekki skemmtilegt umræðuefni. Það er bara svo margt annað sem er skemmtilegra í lífinu! Ég varð því heldur betur hissa þegar ég stóð sjálfa mig að því að leggja vel við hlustir þegar Erla var með fyrirlestur á vinnustaðnum mínum í vor. Allt sem hún sagði höfðaði fullkomlega til mín. Hún talaði af reynslu, raunsæi og skynsemi og hún lét mig langa til að hugsa svolítið um heilsuna og breyta venjum mínum. Ég mæli heilshugar með því að hlusta á Erlu, meira að segja ef þú ert "anti-sportisti" eins og ég.